اعلنت جامعة الأزهر، إيقاف الدكتور إمام رمضان، الأستاذ بكلية التربية بنين بالقاهرة، عن العمل لمدة ثلاثة أشهر، بعد فتواه بجواز سرقة الكهرباء والغاز والمياه .
استنكر القرار المفكر والطبيب خالد منتصر وطالب الدولة بمحاسبته حساب عسير، وكتب عبر حسابه على فيسبوك :”هو فضيلته سرق حبل غسيل ؟؟!! ، ولا جوز فراخ شمورت من عشة الجيران، ولا قرصين جله من قدام الكانون !!.
وتابع :” ده حرض على سرقة الدولة عيني عينك دي جريمة عايزه النيابة مش عايزه تحقيق داخلي وكأنه اتأخر عن المحاضرة !!، حاسبوه حساب عسير قالوا له :كخ ما تعملش كده تاني واسمع
كلام بابا وماما يا عم الشيخ، الأزهر ليس دولة داخل الدولة، عم الشيخ اللي بيحرض الناس على سرقة الكهربا والميه والغاز ، ده موظف في الدولة ومرتبه من جيوبنا وضرايبنا ، واللي
تحاسبه لازم تبقى نيابة الدولة وقضاء الدولة، احنا مش في مجلس عرفي وحنقرص ودنه وخلاص ده مش بيقول رأي في قضية دينية ، ده عايز يخرب اقتصاد دولة ويخلخل أمنها القومي ألا هل بلغت !!.
