كتب: محرر أقباط متحدون 
دعى الأب بيتر حنا للروم الأرثوذكس الشعوب للفرح، خاصة أن عيد الميلاد المجيد على الابواب.
وأضاف لاتسأل لماذا نفرح فكل شئ حولك يدعو للفرح فالله ترك السماء حتى يكون معنا.
وكتب على صفحته على موقع التواصل الاجتماعي فيسبوك ” إخوتي، بعد فيه كام يوم لعيد الميلاد،
عبوها حب، عبوها فرح، وما تقولو ليش بدنا نفرح؟ شو السبب؟
تتفرحو ما بدكن سبب،انتو خلقتو عندكن سبب تتفرحو، وهوي انو عندكن الله ترك السما كرمال يكون معكن..
لو الدني كلها بطلت معكن، الله (عمانوئيل) بيبقى معكن..
كام يوم لعيد الميلاد،
عبوها حرية،
عطو من كل قلبكن،
عبوها رحمة، سامحو..
عبوها خير، ساعدو..
حبو بجنون،
عملو كل شي من دون حسابات،
بس ننسى نحسب، الله بيعملنا حساباتنا،
وبيهتم بكل شي، بيهتم بعيلنا ومستقبلنا،
المهم نشترك معو بالحب، ونحب متلو، بحرية
ازا بهالكام يوم عشتو هيك، رح تكونو وتبقو هيك بالسنة الجديدة..
يسوع هوي الحب، 
من دون حب ما فيه عيد،
حبو بحرية، حبو بجنون، حبو من دون حسابات..
ما تسمحو هالميلاد يقطع، من دون ما تولدو من جديد
تيكون ميلادكن مجيد