أخبار الاقباط

كلام يقطع القلب من شقيقة عماد الذى قتل غدر على يد مجرم دون اي ذنب

نشرت شقيقة الشاب القبطى عماد الذى قتل غدر بخمسة طعنات فى القلب على يد مجرم دون اى ذنب يرتكبة كلام يقطع القلب من خلال حسابها الشخصي على مواقع التواصل الإجتماعي فيسبوك.

وقالت :يا عماد مش هتيجي بقي اديلك يومين مش نمت معايا مش موجود ف البيت طب انت فين ف البيت مش لاقياك هموت عليك يا عماد تعالي والله ما مصدقه والا مستوعبه اللي حصل كان نفسي اشوفك ببدله الفرح ونعملك فرحك مش جنازتك طب تعالي شوف امك وابوك اللي هيموتوا عليك تعالي شوف النار والوجع اللي فينا.

يا حزني ده انا مش مصدقه ف لحظه موت وانتهيت ده انت اكتر من اخ صاحبي اللي ماليش غيرو اللي مش قادره اعيش والا اقعد ف البيت تعالي يا عماد هموت عليك اسهر واضحك مع مين كسرت قلبي سبت ف قلبي وجع كتير ده انت سندي وضلي اللي مش بيفارقني وعمرك ماسبتني دلوقتي مش هشوفك تاني مشيت وسبتني يا عماد ياابوي ع الوجع والكسره يا عماد يابوي ع الموته والبهدله اتوجعنا قوي يارب ليه التجربه الصعبه دي ليه.

ده انا وانت محددين كل حاجه مع بعض وقولتلي هفسحك يوم الأحد وهعملك احسن فرح لحد اللحظه السوده اللي جت وكنت معاك سبتني دقيقه وتطلع برا ترجعلي ميت ف صندوق تعالي يا عماد تعااالي ااه يارب كويتنا ب عماد ليه انت ايه
طب انا مش مصدقه برضو وعمري ما هصدق انا مستنياك يا عماد تعالي اتكوينا وكسرت قلبنا وجعتنا قوي هموت عليك تعالي يابوي ع الوجع اللي فينا خساره كبيره ماتتعوضش.

صاحبي وسندي مات هموت واجيلك مش عايزه اسيبك لوحدك ده انت عمرك ماسبتني دلوقتي هشوفك صوره بس بقي ليك صور دلوقتي عايزالك يا عماد سبتني ليه اطلع برا الاقيك ميت قدام عيني واكلم فيك  مش بترد عليا اخر لحظه اشوفك فيها ميت قدام عيني ومرمي ف الارض اخويا مات يابوي يقطع قلب اختك يقطعني يا اخويا ع عيني ياريت كنت انا وانت لا يابوي يا فرحه بيتنا مشيت وسبتننا بكويتنا ووجعنا سندي واخويا مات عمري وحبيبي راح.

مقالات ذات صلة

زر الذهاب إلى الأعلى