يواصل القاهرة 24 نشر أقوال المتهمين في واقعة مقتل حسني الخناجري جواهرجي بولاق أبو العلا، وسرقة مشغولات ذهبية تمثلت في 5 غوايش، و6 سبائك ذهبية، و7 جنيهات ذهب، و4 خواتم، و4 سلسة، و3 انسيالات، ومبلغ مالي.
وجاءت أقوال أحد المتهمين في واقعة مقتل حسني الخناجري جواهرجي بولاق أبو العلا وهي شقيقة المتهم الأول وتدعى فادية. م. ح، 45 سنة، عن ظروف تقابلها مع المتهم محمد. ح. ا يوم الواقعة الموافق 26/2/2024.
أجابت: اللي حصل أن محمد جالي البيت لقيته بيقولي أنا مسافر حضري لي هدومي عشان عندي شغل في حتة في الصعيد ولقيته بيتكلم في التليفون وعرفت ساعتها إنه بيكلم حسن صاحبه، وسمعته بيقوله خلاص أنا هقابلك في شارع ناهية وبعد كدة اداني دبلة وخاتم وقالي أنا عايزك تبيعيهملي عشان نلحق نمشي.
وأردف: وفعلًا سلمني دبلة وخاتم ونزلت عند مدحت حمادة ورحتله المحل بتاعه في سكة الحاج علي، وأول ما شوفته قولتله أنا عايزة أبيع الدبلة والخاتم وقالي ملهومش فاتورة قولتله لا ده واحد لسة متجوز عاوز يبيعهم في شغل، وهو ساعتها قالي بلاش نبيع دلوقتي عشان الدهب نزل قولتله لا أنا عاوزة أبيعهم عشان هو محتاجه في شغل، وبالفعل خدهم تمّنهم واداني مبلغ مالي عشرين ألف جنيه.
وأردفت: ورجعت البيت واديت الفلوس لمحمد واداني ألف ونص وقالي أنا مسافر ولو عوزتي حاجة هبعتلك قولي بس لحسن وأنا هبعتلك، وأنا قبل رمضان هبعتلك فلوس تجيبي حاجات للبيت وبعد كدة راح واخد بعضه ونزل، وكان
معاه لبس وكان حاطه في كوفر بدلة وكان معاه شنطة لونها رصاصي اللون، وبعد كدة ما شوفتهوش تاني لحد يوم
الثلاثاء بالليل، لقيته جالي وخبط عليا البيت فقولتله أنت ما سافرتش قالي أنا سافرت أسوان ورجعت في نفس اليوم وهمشي تاني ودخل نام لحد ما اتقبض علينا.
