خالد منتصر يدعم إلهام شاهين بعد هجوم المتشددين : ولا بيهمها السرسجية .. موظف يعطل مصالح الناس بحجة الصلاة انسان ما عندوش ضمير

دعم المفكر والطبيب خالد منتصر الفنانة إلهام شاهين بعد تعرضها لهجوم من قبل المتشددين، حيث أكدت خلال تصريحات متلفزة انها ضد ترك العمل من اجل الصلاة .

وكتب منتصر عبر حسابه على فيسبوك :” طبعاً جدعة وعندها ألف حق ولا بيهمها السرسجية لما موظف ما يبقاش على مكتبه ويعطل مصالح الناس بحجة الصلاة ده انسان ما عندوش ضمير ولما مجموعة تصلي قدام باب الأسانسير ولا يسدوا السلالم ع الناس اللي طالعه ونازله ، ولا يسدوا الشارع بحجة انهم بيصلوا جماعة ويعطلوا المرور الخ .

مضيفا :”دول برضه رافعين فزاعة الدين عشان الناس تخاف وتخرس ، ودي مالهاش الا اسم واحد في قوانين الدولة المدنية اللي بتحترم القانون والمواطنة

اسمها بلطجة باسم الدين الصلاة عندك م الادان للادان ودي علاقة رأسية بينك وبين ربنا لكن العمل وقضاء مصالح الناس دي مهام عملك اللي بتقبض منه وبتاكل عيش ما تزوغش وتبلطج وتقول أصل أنا باصلي وكل الأشغال مهمة عند اصحابها

وانت مالكش تقيم عمل فلان انه تافه

الجراح ما بسيبش بطن المريض مفتوحة ويروح يصلي .

واختتم :” كذلك الزبال مع كل الاحترام للمهنة ما يسيبش مقشته ويروح يصلي ، يستنى لما يروح بيته وكذلك المخرج والمصور والمدرس.الخ أما العواطلي اللي مالوش شغلانه وقاعد ينظر علينا ويهددنا ويتوعدنا فده طبعاً مباح له ومسموح انه يقلب ال 24 ساعة اللي في اليوم طقوس وأذكار واعتكافات زي ما هو عايز.