وجه الإعلامي عمرو أديب، رسالة هامة لموظفين الحي والمحليات، وذلك خلال حلقة برنامجه”الحكاية” والذي يعرض على قناة mbc مصر.
وأكد عمرو أديب، على المحليات أن يتركوا المواطنين “يأكلوا عيش” في ظل الأزمة الاقتصادية، قائلا: الحاجة مبتتبلعش وحجم الحاجة متتشفش.. أرجوكم ساعدوا بعض عشان الناس تعيش بكرامة”.
عمرو أديب يوجه رسالة هامة إلي الأحياء
وتابع عمرو أديب :” أبعدوا عن الناس اللي بتأكل عيش اليومين دول.. أنا في عرضكم اليومين دول اللي بيعرف سيبوه.. الرحمة فوق العدل، الرحمة فوق القانون”.
وأضاف:” اللي عامل عربية قهوة واللي عامل ساندويتشات واللي قاعد على ناصية.. أنا عارف أنكم ملتزمين وبتطبقوا القانون لوجه الله.. الظروف بقت صعبة وشئ عظيم أن الواحد شايل نفسه.. مش رامي جتته عليك ويقولك أكلني وشربي، لا أنا هأكل من عرق جبيني”.
تعليق ناري من عمرو أديب عن ارتفاع الأسعار
واسترسل:” قولوا للناس في المحافظات والمحلات سيبوهم شوية لغاية ما الدنيا تتظبط أو روحولهم اعملولهم مفاجأة.. الدولة تقولها انتي شغالة خدي ترخيصك.. احترم كل واحد بيعمل لقمة، كل واحد واقف بسبت بحتة فينو ويحشيه جبنة وشوية بطاطس”.
واختتم :” طعم الحاجة بقى مبيتكلش وحجمها مبيتشفش وبتدفع بالكوى والنار.. اللقمة مبتتبلعش .. خلوا الناس بقى تعيش لغاية ما الغمة تنكشف.. مينفعش حد يقع ورانا ويكون شعارنا محدش هيقع في البلد دي”.
