ودعت شهد صديقة عروسة المنيا المتوفاة يوم زفافها بعد تعرضها لأزمة قلبية مفاجئة، بكلمات مؤثرة، تاركة وراءها حزنًا عميقًا وأسىً لا يوصف.
وكتبت «شهد» عبر حسابها على موقع التواصل الاجتماعي “فيسبوك”: “إزاي! محتاجة حد يفهمني، إزاي أكون معاكي إمبارح وفي حضنك ومبسوطين بيكي وتكلمينى النهاردة الصبح، وأنتي عروسة وفي ثانية أسمع خبر موتك، إزاي مش قادرة أستوعب والله”.
صديقة عروس المنيا تودعها بكلمات مؤثرة
واستذكرت “شهد” لحظات السعادة التي جمعتها بالفقيدة في يوم زفافها، قائلة: “أنا كنت بزغرطلك الصبح وأقولك هتبقى أحلى عروسة، لا إزاي روحتي من إيدي في ثانية، إزاي الصورة دي كانت إمبارح، والنهاردة أنزل صورتك وأقول ادعولها”.
تابعت “شهد” داعيةً للفقيدة بالرحمة والمغفرة، ومؤكدةً على مكانتها في قلبها: “يارب صبرني عشان مش قادرة، والله ربنا يرحمك يا نور عيني وكنتى أحلى عروسة النهاردة وفرحك في الجنة هيبقى أحسن بكتير، ربنا يرحمك ويصبرني على وجع قلبى عليكي يا حبيبتي”.
