علق الإعلامي عمرو أديب على الصفقة الاستثمارية بمدينة رأس الحكمة، قائلا :” كان ايه اللي هيحصل لو متمتش الصفقة دي كل حاجة بتتحرك بسبب الصفقة دي الدولار سعره اتحرك كتير “.
وخلال برنامج “الحكاية” المذاع على قناة “إم بي سي مصر قال أديب: “الدولة راحت مطلعة مليار ونص وقالت روحوا طلعوا بضائع من الجمارك؛ الدولار سعره اتغير كتير والاحتمال أنه يتجه للهبوط وفي سلع ابتدينا نسمع أنها اتزحزت شوية؛ كلام عن الفراخ والبيض واللحمة أنها بتفكر تنزل من ارتفاعاتها.
وأكمل أديب: “حالة من حالات التفاؤل موجودة عند الناس؛ حديد نزل والدهب نزل؛ أنت لو مكنتش عملت الصفقة دي كان وضعك هيبقى إيه النهاردة؟؛ كنا بنتكلم أن في أزمة خانقة والحمد لله أن في حد عرف يوصل للتوليفة دي أنا رأيي اللي قال عليه رئيس الوزراء ده شيء عظيم وعملت للبلد نفس وراحة واطمئنان”.
وأوضح: “أنا عايز حضراتكم من النهاردة؛ أي حد يكلمك قوله إيه أنت مش شايف الدولار نزل ولا إيه؟ إحنا عايزين الحاجة حلوة وجميلة ورخيصة؛ الحاجة مش طالعة على طول ولا نازلة على طول؛ السوق النهاردة بيجربك أنت جد أنت هتنزل فلوس؟ هتقدر تميل على بنك تاخد قرشين تكمل بيهم يومين تلاتة بس، إلحق السوق وهو سخن لو انضرب دلوقتي هيكمل ضرب؛ انزلوا اضربوا السوق يا جماعة”.
واختتم: “اللي بيحصل على سبيل المثال؛ أنا عندي شوية علف؛ زيي زي الراجل اللي معاه دولار أو دهب أنا خايف أبتدي أبيع أقل وتو ما عرضت زيادة هيبتدي ينزل وهو لو شم أنك مصرفتش ومدبرتش، هيمسك في السعر؛ انزل هات سعر قليل عشان بعد كده هنثبت”.
