قدم الأنبا مرقس مطران شبرا الخيمة و توابعها للاقباط الارثوذكس، نصائح للمساعدة في اختيار شريك الحياة المناسب.
وقال خلال برنامج (بيت على الصخر) المُذاع عبر قناة (سي تي في )، القبطية الارثوذكسية :”كورسات المشورة للمقبلين على الزواج تساعد على تقريب وجهات النظر .
ونصح :” خلال فترة الخطوبة يجب على الطرفين الاتفاق على الصلاة كل في منزله.
موضحا :” الصلاة مهمة حتى يكون الله موجود في حياة وعقل وقلب المخطوبين .
كما نصح بخصوص الاتصالات بين المخطوبين :” يجب ان تتضمن هذه الاسئلة :
– حدثني عن اخبار العمل معك ؟
– هل اصبت نجاحا ؟
– هل تواجه مصاعب في العمل ؟
هو :
– ما هي أخبارك ؟
– كيف حالك اليوم
وشدد مطران شبرا الخيمة على انه من الضروري ان يكون الاتصال بهدف الاطمئنان على الطرف الآخر .
وتابع :” مواظبة الخطيب على العمل والقيام بعمله باخلاص، وكونه يعيش مع الله بشكل صحيح، كل ذلك يؤكد انه سيؤسس حياة زوجية سعيدة، بالتالي هي ستشعر بالطمأنينة.
لافتا :” لو بيعمل كدة هيعيش معاها صح ، تبقى دي النقطة الاساسية في الاول.
وتابع :” لازم يبقى ربنا موجود في البيت وفي رسائل للاطمئنان على بعضهم ومتابعة احوال بعضهم باستمرار حبا.
كما اضاف :”لما يعملوا كدة يلاقوا ان حياتهم حلوة وياخدوا فترة كافية للخطوبة ما بين 6 شهور وسنة عشان اكتر من كدة مشاكل.
وعن الخروج في فترة الخطوبة، قال نيافته :” ليكون الهدف منها ان يعبر كل طرف عن شخصيته الحقيقية وكيف ستكون في الزواج .
موضحا :”يعني مثلا ماشين في الشارع، تشوف هو عينيه بتبص فين وبيتكلم يقول ايه وهي عينيها بتبص فين وبتتكلم تقول ايه.
وتابع :” راحوا مكان يشربوا فيه حاجة ، هتشوف نظرته ايه، مين اللي بيصرف كل الحاجات دي بتنكشف .
لافتا :” لما يروحوا مكان هل هيكون لائق ام عكس ذلك ، وليكون مكان لائق حتى لو هو رخيص المهم يليق بيهم.
مضيفا :” اذا اختار مكان لائق هتعرف انه بيختار صح كذلك هي كونها اختارته شريك حياة .
كما نصح :” اصدقاء الطرفين ياترى كلامهم شكله ايه يعني يعملوا لقاء يجمع كل الاصدقاء ، تشوف نظرته لاصدقائها ايه ونظرتها لاصدقائه ايه كلامهم شكله ايه ومستوى الحوار شكله ايه كل دا بيبان في الخطوبة .
وتابع :”لما تلاقي ان حواره راقي تقول ده هيرفع راسي، وهو يقول ده حوارها وأسلوبها حلو عاقل يقول دي هترفع راسي.
