قال الشيخ رمضان عبد الرازق، عضو هيئة اللجنة العليا للدعوة الإسلامية بالأزهر الشريف، ان ارتداء الحجاب فرض، وان الراجل اللي ميعلقش على لبس مراته وميكياجها عنده أزمة في رجولته، ورغم ذلك ظهرت ابنته في حفل زفافها بمكياج وبشعر مكشوف حيث لم ترتدي ما يطلق عليه الحجاب الشرعي ، ما عرضه لانتقادات .
واعاد المفكر والطبيب خالد منتصر نشر تصريحات عبد الرازق عبر صفحته على فيسبوك ، وعلق :” بنتك عروسه أتمنى لها السعادة في حياتها القادمة ، واحتراماً لفرحتها وعشان أنا باعتبر ملابسها وماكياجها وتسريحة شعرها شئ جميل وشأن خاص لا يستحق كل الاتهامات دي يافضيلة الشيخ الأب عشان كده ما نشرتش صورتها في البوست لإن مش هي الغلطانة .
وتابع :”حضرتك مع كامل الاحترام لشخصك اللي غلطان بهذا التصريح الفج اللي هو حلقة في سلسلة حكايات خرافية بتعمل غيبوبة فكرية للمشاهدين فضيلتك بتحكيها لنا كل اسبوع واللي بتهاجم فيه بنات وستات وبتحرض عليهم رجال عائلاتهم وبتشحنهم غضب ممكن يصل لحد العنف والايذاء المرأة لها كيانها المستقل وانسانيتها المتفردة وحضرتك مش وصي عليها وهي بني ادم مش حتة لحمة وانسان مش فريسة.
