تحتفل الكنيسة القبطية الأرثوذكسية، برأس السنة القبطية، وهي المناسبة المعروفة باسم عيد النيروز، وهي كلمة فارسية الأصل تعني اليوم الجديد.
وقالت المرنمة جينا الفي، إن لعيد النيروز ترانيم شهيرة يتغنى بها الأقباط في هذه المناسبة مثل ترنيمة (توت بابة هاتور) التي جاءت كلماتها كالآتي:
1.توت بابة هاتور أول الشهور.. يوم فرح وسرور يوم عيد النيروز
(اضطهدوا المسيحية وحاربوا المؤمنين وكنيستنا قوية على مر السنين)
2.كيهك واقف بيقول انا شهر الصيامات وفى اخرى يا ولاد يكون عيد الميلاد
3.فى طوبة وامشير كان البرد كتير مين عريان كسيتوة ليه تنسى الفقير
4.وفى شهر برمودة القيامة المجيدة اول بشنس يجينا بميلاد ام فادينا
5.وكمان شهر مسرى بنصوم صوم العدرا فاتت السنة علينا يوم من بعد يوم
كما يتغنى الاطفال تحديدا بترنيمة (نوري نوري) التي تقول:
نورى نورى يا كنيسة المسيح .. نورى نورى نورى
1- (دا عيد شهدائك) 2 الابرار القديسين.. نورى نورى نورى
2- ( فى النيروز ) 2 ذكرى الشهداء .. القديسين القديسين القديسين
3- ( الدم سال ياما سال انهار ) 2 دم الشهداء .. دم الابرار دم الاطهار دم الابطال
4- ( يارب احفظ لينا ايمانا )2 واحفظ لينا بطركنا ..نورى نورى نورى
هذا بالاضافة الى ترنيمة (لينا جدود) التي تقول:
لينا جدود شجعان أبطال هم أسود واحنا الأشبال
صمدوا أمام بطش الرومان باستعداد وثبات وأمان
عمر ما كان فيهم خواف م السجان أو م السياف
قابلوا وحوش جاعنين هايجين ما تخضوش راحوا مبسوطين
دخلوا كمان جوة النيران باستعداد وباطمئنان
كانوا للدين أحسن حراس مليانين غيرة وحماس
هذا وتستمر الكنيسة في تلاوة الصلوات بالنغمة الفرايحي لفترة بعد الاحتفالات بعيد رأس السنة القبطية.
