تصدرت شابة من محافظة أسيوط تدعى ميرولا ماجد، البالغة من العمر 20 عامًا، محركات البحث خلال الفترة الماضية نظرًا لأنها أول كابتن طيار مصرية، إذ اقتحمت عالم الطيران وحصلت على رخصة الطيران المعتمدة، بجانب دراستها في كلية الإعلام.
ميرولا ماجد أول كابتن طيار من أسيوط
وقالت ميرولا ماجد، إنها كانت تحلم منذ الصغر أن تعمل في مجال الطيران، لافتة إلى أنها اكتشفت شغفها في هذا المجال عند دخولها مطار للمرة الأولى في حياتها.
وتابعت: من صغري وأنا بحلم أشتغل في الطيران بس مكنتش محددة عايزة أشتغل إيه بظبط في المجال ده.. ولما دخلت مطار لأول مرة في حياتي وأنا طفلة كنت مبهورة جدًا ومامتي لاحظت ده.. وسألت المضيفات هناك والبنات اللي شغالين عمومًا عملوا إيه عشان يوصلوا هنا.
وأضافت ميرولا ماجد، أنها مع تقدمها في السن بدأت تفكر أكثر في تحقيق الحلم، وحددت رغبتها في أن تكون كابتن طيار وبالفعل سلكت طريقها للوصول إلى هذه الوظيفة.
واستكملت: بدأت أنزل القاهرة واسأل وأدور لحد ما جمعت معلومات كتير ومشيت خطوات أكتر عشان أحقق حلمي.. وبابا كان بيشجعني وقالي طالما حلمك ده هيخليكي مبسوطة كمليه.
وأوضحت ميرولا ماجد، أنها التحقت بكلية الإعلام بجانب دراستها في كلية الطيران، إذ تمكنت من التنسيق فيما بينهما في الدراسة، مختتمة: واجهت أزمات قبل ما أخش مجال الطيران وأزمات تانية لما دخلت المجال بس قدرت أعديهم عشان أحقق حلمي.. وبابا كان دايمًا بيشجعني.
