حذرت الإعلامية نانسي مجدي، الفتيات تحت العشرين من الشاب “الباد بوي” ، بعد ميل بعضهن له .
– بذيء
– طويل اللسان
– يتطاول على الآخرين
– المزاح بالفاظ بذيئة
-متعدد العلاقات
– يخوض الشجارات
– لا يهمه احد
ولفتت مجدي :” بعض البنات تميل للباد بوي في اعتقاد منهن، انه يجيد التعامل معهن، ويتمتع بخفة الدم، ولطيف ويمتلك خبرة التعامل.
مضيفة :” لذلك بعض البنات بتنبهر بالشخصية دي ، وطبعا لسانه حلو وبيقولها كلام لطيف، وده اللي بيخليها متشوفش ابدا كل العيوب اللي قولتها دي .
وتابعت :” الحقيقة ان بعض البنات للاسف بتشوف انها لما بتدخل في علاقة مع النوعية دي من الشباب اللي هو محط اهتمام انظار البنات ، ان ده بيشعرها بالانتصار.
لافتة :” لان غالبا بيكون عندها مشاكل اسرية او مشاكل في التربية .
وواصلت :” للاسف بعض البنات برضه بتشوف النوعية دي من الشباب تقولك هو ده اللي انا هعرف اشوف معاه الدنيا .
هو ده اللي هيفسحني ويخرجني وبيهزر ودمه خفيف وحتى لو فيه بعض العيوب انا هعرف بعد كدة اصلحها .
كما لفتت:” في الحقيقة كل من تعتقد ذلك تعيش في وهم كبير .
موضحة :” الشخص البادي بوي طويل اللسان، والذي يقوم بالمزاح بالفاظ بذيئة، وطريقته في التعامل غير لطيفة، ومتعدد العلاقات، سيكون في علاقة عاطفية معك وفي الوقت نفسه، سيخوض علاقات مع اكثر من فتاة، لان هذه طبيعته .
لافتة :” من الصعب تغيير مثل هذه الشخصية، الا نادرا .
موضحة :” الباد بوي لا يتحمل المسؤولية، لا يصلح ان يكون زوج او اب، او يكون اسرة .
وتابعت :” الحقيقة ان الشخصية دي بتبقى صعبة جدا وزي ما بيزعق ويشتم ويتخانق وهزاره خارج ولسانه فالت ، زي ما بيعمل كدة مع الناس هيعمل كدة معاكي بعد الجواز.
كما لفتت :” إحنا بنشوف مشاكل اكتر من كدة بكتير، وارجوكي وانت في سن الجامعة دا افضل سن انك تطوري فيه من مهاراتك العقلية من قدراتك .
وتابعت :” تاخدي كورسات تنمي نفسك علشان لما تتخرجي تقدري تشتغلي في وظيفة كويسة ساعتها فرص الارتباط السليمة هتكون متوفرة .
كما اضافت :” فبلاش ابدا التسرع، لان اعجاب فترة الجامعة غالبا ما بيكون إعجاب وهمي .
