كشف رجل الأعمال المهندس نجيب ساويرس عن مكان وجوده إبان حرب السادس من أكتوبر 1973.
وقال «ساويرس» خلال تصريحات تليفزيونية، عبر برنامج «حضرة المواطن»، بقناة «الحدث اليوم» مساء الثلاثاء، إنه كان يتواجد في سويسرا إبان حرب السادس من أكتوبر 1973.
وأوضح: «كنت في وقتها في سويسرا، ساكن في بيت للشباب، أنا واتنين أصحابي، وقبل الحرب بأسبوع، دخل علينا 3 إسرائيليين كانوا يشاركونا في نفس الأوضة وقعدوا يتريقوا علينا، بسبب هزيمة 1967».
وأضاف: «أنا مردتش عليهم، وكنت مبسوط، فصاحبي بيقول لي: انت مبسوط ليه؟ قلت له: لأن هما لسه عايشين على أمجاد 67، ومش عارفين اللي جاي إيه؟ يبقى هما هيبقوا في غفلة عن اللي جاي».
وتابع ساويرس: «كان ساعتها الرئيس وعد مرة واتنين إننا هنحارب ومحاربش، وأنا كنت متأكد إن المرة التالتة تابتة، وده اللي حصل بالظبط، كانوا في غفلة فعلا، حتى الشعب بتاعهم كان في غيبوبة، مكنش مصدق إننا هنهجم وهنسترد أرضنا، أنا تفاءلت خيرًا إنهم لسه عايشين على أمجاد الماضي».
