قاتل الجواهرجي حسني الخناجري .. اعترف المتهم بقتل الجواهرجي حسني الخناجري في درب ناصر في بولاق أبو العلا، بارتكابه الجريمة لتنفيذ عملية سرقة الذهب.
وقال مايكل حسني نجل الضحية خلال تحقيقات نيابة وسط القاهرة الكلية في القضية رقم 514 لسنة 2024 بولاق ابو العلا :” يوم السبت 24 فبراير كنت في المحل بتاعنا حوالي الساعة 4 مساء، وفضلت موجود لحد 5.30 مساء، وشوفت
اللي ظهر في الفيديو – المتهم – واقف الناحية التانية قدام محل العطارة اللي قدامنا، وشكيت في أمره عشان كان شكله غلط، وأنا متأكد أن هو اللي كان ظاهر في الفيديو اللي النيابة عرضته عليا، وفقا لموقع صدى البلد .
أنا فاكره كويس لأن كان في حتة زي ما يكون بيعرج شوية، وكان قصير وأسمر ولابس غامق، واللي خلاني اركز معاه وقفته وطريقته اللي لفتت نظري عشان وقف وبص كتير على المحل فأنا شكيت فيه ومش فاكر بالظبط وقف قد أيه بس مطولش عن 5 دقائق كان ساعتها كأنه يراقب المحل.
أنا متكلمتش معاه ومكنش معاه حد تاني، وساعتها كنت واقف بره بتكلم في التليفون وهو كان واقف قدام محل العطارة بتاع عم هشام وابويا كان جوه المحل ومايكل كان موجود بردو بس مش في المحل عشان لما سألت ابويا قالي راح يشتري شوية حاجات.
المسروقات دي بتاعت محل والدي، وأحنا عارفين شغلنا، وكان بيكون في جنيهات مش مدموغة ولكن ده لا يعني ان ده مش دهب أو مش عيار 21 وده كان الجنيه المتعارف عليه منذ القدم ولكن بعد ظهور طفرة الجنيهات والسبائك الذهبية وشغل الشركات المعروفة أصبح الجنيه والسبيكة مدموعين وابويا كان بيبيع من غير فواتير.
احنا بنفتح كل يوم الصبح مع بعض وفي أيام أنا بسبقه أو هو يسبقني بس يوميا متواجدين احنا الاتنين في المحل ولو فيه ظرف عند حد فينا التاني يفتح المحل وموضوع فاتورة الشراء بالقيمة وطبيعة المصوغات الذهبية لأن أبويا عارف زباينه كويس ومش بيعمل فواتير.
