القى نيافة الانبا مقار اسقف الشرقية والعاشر من رمضان عظة عن روحانية طقس الاكليل بكنيسة العذراء مريم بالشروق .
ولفت نيافته الى ان طقس الاكليل يتضمن وصية لكل من العريس والعروس لضمان حياة زوجية ناجحة .
وأشار نيافته الى ان الصلاة الاساسية في هذا الطقس تسمى “صلاة الاكليل.”
وردا على سؤال ” لماذا يرتدي العريس والعروس زي كهنوتي خلال صلاة الاكليل ؟”، اجاب نيافته قائلا :” في الحقيقة لا يرتدي العريس والعروس زي كهنوتي .
وتابع موضحا :” يرتدي العروسين خلال طقس الاكليل زي ملوكي .
وواصل :” لان العريس هو ملك الاسرة وهو كاهن الاسرة، وبالنسبة للعروس فهي الملكة التي تساعد كاهن الاسرة “المعين نظيره “.
واضاف :” وبالتالي كل واحد منهم له دور معين في الاسرة.
مشددا :” على الزوج ان يحترم دورها وهي كذلك عليها ان تحترم دوره .
وتابع :” نقول في طقس الاكليل “احفظهما نقيين في النفس والجسد والروح في صحة وسلام وعفاف بواسطة فعل للبر، واول جملة نقولها هي “احفظهم”.
موضحا :” الصلوات في الكنيسة تنقسم الى جزئين : جزء تعليمي ويتضمن قراءات البولس والإنجيل.
وتابع :” واعتقد اي مناسبة بيبقى فيها بولس وانجيل والجزء الاولاني دايما في الكنيسة هو جزء تعليمي يعني عايز يعلمنا حاجة .
واضاف :” وادام الكنيسة قرت جزء من الانجيل يعني الرسالة اللي اتقرت دي او الجزء ده المفروض انه للناس اللي قاعدة كلهم مش بس العريس والعروسة يعني العريس والعروسة من ضمن الناس اللي موجودة .
وواصل :” والجزء الثاني بيبقى الصلوات الاساسية بتاعة الحاجة اللي بنصليها صلوات القداس مثلا صلوات الاكليل صلوات اللقان بتبقى الصلوات الاساسية .
موضحا :” الاكليل بالذات فيه جزء ثالث زيادة غير موجود في باقي الطقوس واسمه الوصية.
وحذر نيافة الانبا مقار اسقف الشرقية والعاشر من رمضان من التفكير في اشياء اخرى غير الصلاة اثناء طقس الاكليل .
وقال :” المفروض ان احنا جايين نحضر سر الاكليل نعمل ايه، ايه اللي المفروض نعمله داخل الكنيسة.
وتابع :” في ناس بتبقى اهم حاجه تشوف العروسة لابسة ايه وناس تانيه بتبقى بتدور مین جه ومين ماجاش و مین جه مع مين ما هي برضو بتفرق مين جه مع مين مين روح مع مين مين حضر السهرة ومين حضر الاكليل بس وماحضرش السهرة.
وواصل :” قصص، هل تفتكروا احنا جايين الاكليل عشان الحاجات اللي زي دي ما اعتقدش، لكن انا بتكلم عن واقع بشوفه في كل اكليل الناس مش عارفة تعمل ايه في الاكليل اساسا الناس مش عارفة ايه اللي مطلوب في الاكليل.
كما اضاف :” اقول لكم حاجه ثانية العريس والعروسة نفسهم بيبقوا في الاكليل ودماغهم مش في الصلاة خالص .
وواصل :” حتى العريس والعروسة اللي المفروض ان احنا داخلين نصلي عشانهم يعني بيبقى دماغهم في اي حاجه تانية.
