علق الإعلامي عمرو أديب، على المعلومات التي أثيرت في الفترة الماضية بخصوص مشروع رأس الحكمة.
وقال خلال برنامجه «الحكاية» على قناة «mbc مصر»، مساء الجمعة، إن كرة رأس الحكمة التي ألقيت في السوق ساهمت في خفض سعر الدولار في السوق الموازية من 70 جنيهًا لنحو 64 جنيهًا.
وأضاف أنّ المعلومات التي جرى تداولها أفادت بأن مصر ستحصل بشكل فوري على مبلغ 22 مليار جنيه، معقّبًا: «أنا معرفش ديل يتعمل كده.. يا إنت شاطر أوي وعملت بيعة تاريخية أو اللي بيديك الفلوس عاوز يسندك بسرعة».
وتابع: «الغريب إن الدولة قالت إن رأس الحكمة من الأراضي اللي بنحبها، وهي مستقبل مصر لغاية 2052 وهتعمل مشاريع .. لو إنت عاوز تضرب السوق السوداء قول أنا بتفاوض على مبلغ كذا، لكن إنت سايبني لكل واحد يخبط شوية».
وشدد على ضرورة أن يكون هذا الرقم صحيحًا، وقال: «لو طلع الرقم طلع مش كده هتبقى عملت زي النبلة.. على أد ما تشدها للوراء على أد ما بتضرب قدام».
وأبدى أديب، امتعاضًا مما اعتبره صمتًا حكوميًّا إزاء هذه المعلومات، وقال: «صمت الحكومة مش مريحني»، مشدّدًا على ضرورة إطلاع الرأي العام على التفاصيل كاملة.
