تكثر دعوات المتشددين بعدم تهنئة المسيحيين بعيد الميلاد المجيد، في مثل هذه الايام من كل عام، بزعم انهم كفار، كما يسخر التيار السلفي من عقيدتهم .
استنكر هذه الدعوات، السيناريست محمد عبدالخالق، وكتب عبر حسابه الرسمي على فيسبوك :” معلش كلمتين محشورين في زوري من سنين .. كل سنة ببقي عاوز اقولهم بسبب لغط الكلام اللي بيردده بعض المسلمين في اعياد ومناسبات أشقاء دمنا المسيحيين الأقباط .. اللي هم اهلنا .. اهلنا – مش كلام مجازي – لكن اهلنا بحق .. بغض النظر مين من اهلنا بيعبد الله بتلك العقيدة ومين بيعبده بالعقيدة الاخري .
وتابع :”حوارات الحرام والحلال وتريقة البعض .. أزاي ابن الله .. او ازاي هو الله ؟!! يا جماعة المسلمين .. خليكم في دينكم .. ما حدش من المسيحيين قالكم انتم بتتعبدوا كده ليه .. رغم انهم بشكل موضوعي مش مصدقين بما نؤمن بيه .. ولا مطلوب منهم يصدقوه .. ومع
ذلك عمر حد منهم ما عاب علي اي فعل او علق عليه .. في حين .. اننا .. نحن المسلمون .. مؤمنون بالإنجيل والتوراة مع القرآن كتاب واحد وايمان واحد .. ومع ذلك شاغلين روحنا بالتعليق علي المسيحية والمسيحيين بطريقة تستفذ اي حد مهما كان مسالم وهادي ومتسامح .
