أصيب طلاب الشهادة الإعدادية بالأقصر اليوم الاثنين، بصدمة وخيبة أمل جديدة بسبب صعوبة امتحان الهندسة.
وقال محمد أحد طلبة الشهادة الإعدادية، وهو في حالة انهيار: الأسئلة في امتحان الهندسة تعجيزية وفيه منها أفكار أول مرة نشوفها وخاصة السؤال الأخير اللي أول مرة نشوفه وتعبنا وكرهنا الامتحانات.
وأضاف محمد لـ القاهرة 24: عندما جاء مفتش المادة في اللجنة اشتكينا من صعوبة الامتحان فما كان منه إلا أن قال إنتوا لسه شوفتوا حاجة امتحان الجبر والإحصاء اللي جايين أصعب.
وقالت الطالبة منة لـ القاهرة 24: حرام اللي بيحصل ده، آخر سؤالين في الامتحان أول مرة نشوفهم وأفكارهم جديدة مخدنهاش قبل كده مش كفاية العربي أول يوم، يبقى عربي وهندسة كمان.
ويؤدي 17 ألف طالب امتحانات الشهادة الإعدادية بمحافظة الأقصر من خلال 108 لجان امتحانية على مدار 5 أيام تبقى منهم يومان، حيث تختتم الامتحانات بعد غد الأربعاء بمواد الجبر والإحصاء والتربية الرياضية للمدارس الرياضية.
