أجاب الدكتور على جمعة، مفتي الديار المصرية السابق، على سؤال طفلة حول: هل ينفع أهنيء أصحابي المسيحيين بأعيادهم؟
علي جمعة يوضح حكم تهنئة المسيحيين بأعيادهم
وأوضح الدكتور علي جمعة، مفتي الديار المصرية السابق، خلال حلقة برنامج “نور الدين”، على قنوات الشركة المتحدة، اليوم الثلاثاء: “أيوه عادي ينفع، بس انتي مش واخده بالك من السؤال، يعني كأن فى حد مفهمكم إنه مش عادي، وإنك هتاخدي ثواب لما تنشرى الكراهية”.
وتابع: “والله يا أولاد، الدنيا كلها لازم تكون حب فى حب، بدون كراهية، وعندنا المصريين لما اتشبعوا بالإسلام، فعملوا أمثلة، قالوا له تنفخ ليه يا برص، قال علشان الناس تكرهني طيب هو فى حد بيحبك، فلازم نفهم إن شيوع الحب والتهنئة والمجاملات تعلي من قدرنا، فالكراهية تنقص من قدرنا، في حد عاوز يعمل صدام وفتنة، ده إحنا جيران من 1500 سنة، وعاوزين مفهوم الكراهية ده يتعدل ويبعد عن البدعة”.
طفلة تسأل: ينفع أحضر زواج أو خطوبة فى الكنيسة؟، على جمعة يجيب
كما أجاب الدكتور على جمعة، مفتي الديار المصرية السابق، على سؤال طفلة حول ينفع أحضر حفل خطوبة أو زواج صديقتى المسيحية فى الكنيسة؟.
وأوضح الدكتور علي جمعة، مفتي الديار المصرية السابق، خلال حلقة برنامج “نور الدين”، على قنوات الشركة المتحدة، اليوم الثلاثاء: “طبعا تروحى، ولازم برضوا لا يتوقف الأمر عن إنك تروحي بس، لازم تعرفى معنى نصف أكليل، وجبنيوت”.
وتابع: “لما تعرفى المسميات اللى عندهم هتعرفى كمان تتعاملى، ومعرفة الآخر تذيب الثلوج بين الناس”.
برنامج نور الدين
وبرنامج نور الدين، الذي يعرض على قنوات الشركة المتحدة، يفتح حوارًا مع الأطفال والكبار حول تساؤلاتهم حول الدين والله عز وجل، إضافة إلى المشكلات الحياتية التي تواجه عباد الله وكيفية التغلب
عليها، ويرد على أسئلة للمرة الأولى على لسان أطفال صغار، دومًا ما يسألوها لأهاليهم الذين يجدوا نفسهم في حيرة من أمثلة: فين ربنا، مش بنشوفه ليه، وغيرها من الأمور التي يقف الآباء أمامها في حيرة
شديدة دون إجابة ما جعل البرنامج محل ترقب سواء للأهالي الذين ينتظرونه لفهم الإجابة الصحيحة، أو الأبناء الذين سيجدون في البرنامج فهمًا لما يحاولوا معرفته ويثبتهم بصورة صحيحة ما يبني عندهم وعيًا ويقينًا.
