علق الإعلامي عمرو أديب، على مقترح إلزام المصريين بالخارج بتحويل 20% من دخولهم الشهرية بالعملة الأجنبية.
والمقترح قدمه المرشح الرئاسي السابق عبدالسند يمامة رئيس حزب الوفد، ويتضمن اقتراح بقانون بقيام العاملين فى الخارج بتحويل 20% من دخلهم الشهرى بالعملة الأجنبية إلى البنوك المصرية، مع توفير كل الضمانات الدستورية والقانونية لحفظ حقوق العاملين.
وقال أديب خلال برنامجه «الحكاية» عبر شاشة «mbc مصر»، مساء الجمعة، إن المقترح المُقدم شمل اسم محمد صلاح لاعب نادي ليفربول الإنجليزي.
وأضاف ساخرًا: «أنا عجبني الاقتراح أوي بصراحة.. وعاوز أقوله إننا كمان ممكن نجبرهم إن كل واحد فيهم يتبرع بكلية.. إحنا عارفين إن المصريين بالخارج مش عارفين نعمل بهم إيه.. إحنا نجبر كل واحد فيهم يتبرع بكلية وجزء من الكبد، وممكن نجبرهم بعد كده لما يموتوا الدولة تاخد أعينهم ونحطها في بنك العيون».
وتابع – مواصلا السخرية: «حظ البلد وحش إن يمامة مبقاش رئيس جمهورية.. لإنه لو كان بقى رئيس كان هيبقى عنده حلول زي دي كتير للأزمة الاقتصادية بس للأسف هو خسر بنسبة بسيطة».
واستكمل: «أنا بقوله الاقتراح حلو، ويا ريت كل واحد وهو نازل اتنين عياله يتبرعوا بـ10 لتر دم، ويا ريت لو كل واحد منهم يكتب تعهد إنه لما يرجع مصر هيتبرع بكل فلوسه للدولة لإن ده حق مصر عليه، يعمي نعمل فيهم أي حاجة».
وكان يمامة قد صرح لـ«الشروق»، بأن اقتراح الحزب بسن تشريع يقضي بتحويل العاملين بالخارج 20% من من دخلهم الشهري بالعملة الأجنبية إلى البنوك المصرية، سيسهم فى إنقاذ الاقتصاد المصري.
وأضاف أن تحويل العاملين بالخارج 20% من دخلهم الشهرى بالعملة الأجنبية إلى البنوك المصرية، هو واجب وطني على كل مصري، وجزء من عملية الإصلاح وخاصة فى ظل الظروف الاقتصادية الصعبة.
وأوضح رئيس حزب الوفد، أن القانون سيكون ملزما على جميع المصريين بالخارج ويجب تنفيذه فى أسرع وقت، متوقعا أن يحقق لمصر ما يقرب من 5 مليارات دولار شهريا.
