كشفت الفنانة لقاء الخميسي، تفاصيل زواج والدها المسلم من والدتها المسيحية، وذلك بعد حديثها عن كونها مسلمة بالوراثة.
وقالت الخميسي، خلال لقائها ببرنامج “أسرار” مع الإعلامية أميرة بدر المذاع على قناة النهار، اليوم الثلاثاء، إنه مسلمة ووالدها مسلم، مرادفة: “معنى كلمة مسلمة أني أسلمت قلبي لـ الله، أمي
مسيحية بس في كل الأحوال وقلت قبل كدا وهقول تاني كل واحد جواه ربنا، شايف ربنا إزاى ومعتنق ديانة إيه، دي تخص كل واحد متخصش حد تاني، وأنا شايفة أن كل الأديان المسيحية واليهودية والإسلام بتعرف ربنا”.
وأضافت: “أمي عمرها ما دخلتنا في القصة دي، مفيش أي فرق بين والدي المسلم ووالدتي المسيحية.. أمي مسيحية وكانت بتصوم معانا رمضان وتصحينا نصلي الفجر، هي بتصلي لـ ربنا بطريقتها، وروحت معاها مرات كتير جدًا الكنسية وصليت، وهي نفس الصلاة لكن الطقوس مختلفة”.
وتابعت: “المسلم زي المسيحي زي اليهودي، كل واحد عنده أفكاره اتربى إزاي وقرأ فيه.. أنا قرأت في التاريخ والدين كتير جدًا”.
برنامج “أسرار” تقدمه الإعلامية أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
