قال الإعلامي خيري رمضان، إن الناس في المناطق الشعبية يقترحون على الحكومة الجديدة أن يكون اليوتيوبر الشاذلي أو كوكو وزيرًا للتموين.
وأضاف رمضان، خلال برنامج مع خيري عبر فضائية المحور، مساء الأحد: قعدنا ندور هي الناس بتشكر في كوكو والشاذلي ليه؟ اكتشفت إني أنا اللي جاهل، وإني زمايلى كلهم بيشتروا من كوكو والشاذلي.
وأوضح أن كوكو والشاذلي هما شخصان يبيعان السلع بأسعار منخفضة بشكل كبير، متابعًا: هما بيقولوا إنهم بيبعوا كتير وبيكسبوا قليل، يعني هي المشكلة إن التجار بيكسبوا كتير.
وأضاف أن شاذلي بيقول إنه اشترى بيعة من البصل، وبيبيع الكيلو الواحد بـ3 جنيه، وبيقول إنه بيخسر، بس عشان كرامة، لو وزير تموين بيدور على كرامة الناس، ده الشاذلي ده يبقى وزير تموين كويس أوي.
وتابع: إيه اللي بيخلي الناس تبيع المنتجات دي بالأسعار دي، في آلاف من الناس بتشتري منهم. متسائلًا: لماذا تقفز الأسعار بهذا الشكل؟! إيه اللي بيحصل؟! في حاجة غلط عند التجار، والرقابة، والحكومة.
وطالب رمضان، بحل أزمة ارتفاع الأسعار قبل شهر رمضان، معقبًا: مش هينفع ندخل رمضان كده.
