إيه المشكلة لما مراتك تزعلك.. ما تاخد على دماغك وأنت ساكت
متسيوش الستات لايصة دول هما اللي فاتحين البيوت
اللي يقول لمراته أحمدي ربنا أني أتجوزتك مش رجولة
الرجولة مش بالصوت العالى.. بالإنسانية والسعة والصبر
متحطوش سكر كتير على الكنافة علشان إحنا في أزمة
الواحد لما يبقى ليه بطن مبيعرفش يمشي.. دي بتقعد 9 شهور في حمل
قال الرئيس عبدالفتاح السيسي، إن الله تعالي طلب احترام وتقدير المرأة، مضيفا: “بعض الناس بتقول بتزودها مع السيدات .. والله العظيم ما بزودها .. بس انتوا مش عارفين إن ربنا طلب مننا نحترم ونخلى بالنا جدا من المرأة”.
احتفالية المرأة المصرية
وأضاف الرئيس السيسي خلال احتفالية المرأة المصرية:”خالي بالكم بكلم الرجالة مبكلمش الستات خالص .. وده مش زى ما الناس بتقول على مواقع التواصل حرام عليك مبيدخلوناش البيت .. لا طبعا معقول كده؟ مش معقول
يعني ..لكن بيقولوا كده انت مزودها .. بيقول انت مزودها .. لا .. مش مزودها بنحاول نوزن الحكاية.. فكل التقدير والاحترام ليكي.. كان فيه لقاء بعض الفطار .. حد منهم سألني كانت سيدة، بتقولى انت ليه يعني كده مع
الستات؟.. قلتلهم الواحد لما يبقا ليه بطن مليانة ميبقاش عارف يمشى تعبان يعني.. ودي تقعد 9 شهور شايلة.. ربنا اللى قال حملته “وهنا على وهن”، والنبى وصى وقال: مين؟ أمك ثم أمك.. طيب ليه؟ أنبياء الله بيتكلموا
بالوحي عن الله سبحانه وتعالي، وبنأكد علي معاني لينا كلنا، وعاوز أقول ساعات بيحصل خلافات.. ولما قلت صندوق الأسرة والمرأة المعيلة كنا حريصين على إن احنا منسبهاش أبدا منسبهاش “لايصة” وهو ساب البيت ومشي لاي سبب”.
وأضاف: روحوا محكمة الزنانيرى بتاع الأحوال الشخصية.. وشوفوا مين اللى شايلة الشيلة؟.. بتكلم على اللى عنده مشكلة.. طيب اللى مفيهوش مشكلة يبقا الف بركة.. لو عندنا إنصاف في شخصيتنا ميبقاش في تركيبة شخصية الإنسان بانه لا يبالي ولا يقدر .. ويقول: احمدي ربنا إن أنا اتجوزتك .. مش شايف دي رجولة مننا لكن الناس الأفاضل الطيبيين على دماغي.. بنتنا واختنا متبقاش لايصة أبدا واحنا موجودين منبقاش رجالة”.
وصايا الرئيس السيسي للرجال
ووجه الرئيس السيسي حديثه للرجال قائلا: “إوعوا تضيعوا أسركم ولا تقسوا على نسائكم.. مداعبًا الرجال فيها ايه لما تزعلكم يعني.. الرجولة مش بالصوت العالي أبدًا”.
ومازح الرئيس السيسي موجهًا حديثه للمرأة ضاحكًا: “متحطوش سكر كتير على الكنافة علشان أزمة السكر”.
وجه الرئيس السيسي رسالة طريفة لرجال مصر، قائلا:” إيه المشكلة لما مراتك تزعلك.. ما تأخد على دماغك وأنت ساكت، واللي يقول لمراته أحمدي ربنا أني أتجوزتك أو يسيبها لايصة .. دي مش رجولة”.
وطالب الرئيس السيسي الرجال بتقدير المرأة، فقال: الواحد لما يبقى ليه بطن بيبقى مش عارف يمشي.. ودي بتقعد 9 شهور في حمل”.
